Teithlyfr a thaith gerdded Twristiaeth.

Gyda chefnogaeth gan gronfa’r Loteri, mae Menter Caerdydd wedi bod yn datblygu taflen dwristiaeth yn olrhain datblygiad yr Iaith Gymraeg yng Nghaerdydd.

Am 6 o’r gloch yr hwyr fe fydd gwahoddedigion / cyhoedd yn ymgynnull yn y dafarn Tair Pluen. Mi fydd Dr. John Davies yn tywys y cyhoedd o amgylch canol y ddinas am oddeutu awr a hanner.

Bydd y daith yn mynd heibio rhai o leoliadau mwyaf hanesyddol y ddinas a’u perthynas gyda datblygiad yr iaith yng Nghaerdydd drwy’r oesoedd.

Yn dilyn y lansiad mi fydd y daflen a phodcast o’r daith ar gael i’w lawr lwytho o wefan Menter Caerdydd.
Hyd yn oed os ydych chi’n byw yn y ddinas neu yn ymweld rydych chi’n siŵr o ddysgu rhywbeth….

Mi fydd y taflenni yn cael eu dosbarthu i ysgolion a’r cyhoedd yn dilyn y lansiad.

Mi fydd Menter Caerdydd yn cynnal lansiad arbennig ar yr 8ed o Awst am 11o’r gloch y bore yn ystod yr Eisteddfod Genedlaethol eleni hefyd.

Am ragor o wybodaeth cysylltwch a:

Heledd Wyn
Swyddog Treftadaeth
Menter Caerdydd
(029) 20 565658 / 07765234055

Mae Heledd Wyn wedi dechrau ar y swydd fel Swyddog Treftadaeth ac yn gweithio ar 4 brosiect penodol dros y ddwy flynedd nesaf:

1  gweithdai Ysgolion—ymweld  a ysgolion Di-Gymraeg yn y Ddinas drwy gynnal gweithdai Ymwybyddiaeth Iaith;

2  creu taflen dwristiaeth a fydd yn tywys y cyhoedd o amgylch mannau sy’n olrhain datblygiad yr Iaith Gymraeg yn y ddinas;

3  creu cyfeirlyfr o ddogfennau am y Gymraeg yng Nghaerdydd;

4  casglu hanesion llafar a chreu ffilm fer sy’n olrhain hanes yr Iaith a’i datblygiad dros yr hanner can mlynedd diwethaf.

E-bost: heledd@mentercaerdydd.org

Ers cychwyn y swydd, sefydlwyd Is-Bwyllgor Treftadaeth y Gymraeg yng Nghaerdydd, sef:

Elin Jones (Hanesydd)

Rhun Jones

Cen Williams

Nia Williams (Sain Ffagan)

Penri Williams

Rhodri Williams

Mae’r Swyddog yn eiddgar i dderbyn unrhyw wybodaeth neu hanesion gan aelodau o’r pwyllgor a’r cyhoedd.