Tafwyl yw’r ŵyl flynyddol a sefydlwyd gan y Fenter yn 2004 i ddathlu’r defnydd o’r Gymraeg yng Nghaerdydd.

Yn 2012 am y tro cyntaf erioed roedd Tafwyl yn ran o ŵyl Caerdydd. Roedd yr ŵyl yn lwyddiant ysgubol gyda dros 8,500 o bobl yn dod ynghyd i ddathlu’r Gymraeg yn ffair Tafwyl yng Nghastell Caerdydd ar 23 Mehefin, ac yna dros 1,500 o bobl yn mynychu gwahanol ddigwyddiadau a gweithgareddau gŵyl Tafwyl yn ystod yr wythnos a ddilynodd.

Eleni byddwn yn adeiladu ar lwyddiant yr ŵyl ac unwaith eto yn cynnal prif ddigwyddiad Tafwyl yng Nghastell Caerdydd, ar Fehefin 15fed.

Bydd Gŵyl Tafwyl yn parhau am weddill yr wythnos yn dilyn y ffair hyd at Fehefin 21ain. Bydd llu o ddigwyddiadau cyffrous ar draws y ddinas mewn amryw o leoliadau, gan gynnwys Chapter, Clwb Ifor a Llyfrgell Ganolog Caerdydd. Gyda digwyddiadau llenyddol, hanesyddol, gigs, comedi, ffilm, chwaraeon, dramâu, digwyddiadau i blant meithrin, a gweithgareddau i ddysgwyr, yn sicr fydd rhywbeth at ddant pawb!

Am fwy o wybodaeth ewch draw i www.tafwyl.org